Veinólína

349 reyklausir dagar :)

2012-02-04T19:59:00.000Z

Hvað ætli ég hafi skrifað marga reykleysisstatusa í gegnum árin? Skyldi baráttunni vera "lokið"? Mikið væri það nú gáfað af mér svona einu sinni ;)

Veinó

Vúpp vúpp!!!

2012-01-25T14:35:00.002Z

Nú er ekkert annað eftir en að snýta þessari ógeðslegu flensu út í hafsauga (einn fullur haus af .... eftir) og svo er þetta búið! Út með stelpunum á laugardagskvöldið :)) Loksins!!

Fallega fólkið!

2012-01-22T16:56:00.003Z

Já, og áfram Ísland!!!

2012-01-22T14:46:00.000Z

Ísland - Ungverjaland í milliriðlinum í dag ! Jibbíkóla :)

komin heim :)

2012-01-22T14:36:00.000Z

Komin heim eftir virkilega skemmtilega og notarlega helgi hjá Diddu. Við Hekla höfðum það voðalega gott vorum bara latar og afslappaðar :)

Nú þarf ég að fara að skipuleggja vikuna, mikill lærdómur framundan. Vá..... vona að það hafi ekki verið mistök að bæta einu fagi við í skólanum. Þetta er bara allt svo skemmtilegt og mig langar helst ekki að sleppa neinu!

Annars er ég bara ágæt, verkjalyfin eru að virka á hálsinn og hóstann. Verð hamingjusömust í heimi þegar þetta er yfirstaðið ;)

Knús, Veinó

Nýr dagur

2012-01-21T15:38:00.001Z

Jájá, það er svona gott að taka sér frí frá fb. Hef marg sinnis ætlað í tölvuna í gærkvöldi og í morgun en svo fattaði ég alltaf að ég hefði ekkert að gera í tölvuna. Gott! Glöð!

En þetta er fíkn, það er á hreinu. Ég finn að þetta verður pínu erfitt, sérstaklega verður þetta erfitt þegar maður fer að missa af hinu og þessu vegna þess að það er bara á fb. En það venst.

Í dag er ég að passa Heklu mína, Diddan kemur heim á morgun frá Reykjavík þar sem hún var við útför Viðars. Þetta hafa verið erfiðir tímar fyrir fjölskyldu Önnu Karenar og þau hafa staðið sig vel. En þvílíkt tómarúm sem hún er að upplifa :(

Það verður mikil lærdómsvika í næstu viku. Flensan er á undanhaldi og ég get ekki beðið eftir að vera orðin frísk. Nú er ég í því að snýta blóði. Slímhúðin er öll svo aum, bólgin og blóðmikil. Hálsinn er betri en hóstinn og kvefið er verra. Þetta kemur.

Jæja, nóg í bili.

Upp með gamla bloggið!

kannski ég fari bara að skrifa handskrifuð bréf líka...hehe ;)

Væla veinó

Pása frá fb

2012-01-20T14:40:00.000Z

Ahh það er svo gott að taka pásu frá fb. Jafnvel hætta...hver veit? :)

Sjáum til og sjáumst hér!

Veinólína

Opnun Hörpunnar

2011-05-13T21:58:00.000+01:00

Sit og horfi á opnunarhátíð Hörpunnar í sjónvarpinu og hef það gott:) Verð nú að segja að klassíkin ber af í þessari dagskrá..... en nú birtist Páll Óskar, það verður örugglega flott!

Það geta ekki allir verið gordjöss!! :) Ahahahahahaha þetta er svo flott!!! Og Hulda og Valdís í salnum!!

Jólajóla...

2010-12-07T16:29:00.000Z

Sé það núna að það er algjörlega nauðsynlegt að blogga fyrir jólin. Ólýsanlega gaman að lesa það sem maður skrifaði í fyrra ;)

Já, jólin nálgast eins og óð fluga, ekki í fyrsta skipti svo sem... Í fyrra eyddi ég jólunum alein heima á Sólheimum og hafði það bara rosalega gott. Á gamlárskvöld vorum við svo öll saman fjölskyldan í Nökkvavoginum, yndislegt!

Þessi jólin verða svipuð býst ég við, ætla að vera heima á aðfangadagskvöld og svo er það einhver vinna og svona, stutt jól þetta árið. Áramót í borginni eins og vanalega býst ég við. Aðventan hefur nánast flogið fram hjá mér en ég er þó aðeins að taka við mér núna, búin að skreyta smá og svona.

Jæja, nóg í bili, ætla að skrifa meira á næstunni!
Veinó :)

Facebook

2010-10-14T11:37:00.001+01:00

Ég er mjög hugsi yfir fésbókinni þessa dagana. Mikið hefur borið á misnotkun á þessum miðli og nú er svo komið að ég er farin að óttast þetta tæki frekar en hitt.

Ég hef þörf fyrir að blogga og fésbókin kom í staðinn fyrir það. Nú ætla ég að taka mér pásu. Það eru mín mótmæli!

Haustið er komið með í öllu sínu veldi... í dag er rok og rigning og haustlaufin fjúka af trjánum og dreifa sér um götur Sólheima, fallegt :) Mitt verkefni í dag er að finna ró og frið í hjarta og brosa framan í lífið. Ég bið ekki um meira en að dagurinn fái að líða án mótlætis, ég mun þakka fyrir það þegar ég fer að sofa í kvöld.

Væla Veinólína :)

VoxFox á Humarhátíð! :)

2010-05-27T14:59:00.001+01:00

http://www.facebook.com/pages/manage/#!/event.php?eid=120367854669170&ref=mf

Ekki missa af þessu!!! :)

2010-04-23T17:33:00.001+01:00

Voces Veritas - kíkið á facebook síðuna okkar og hlustið! :)

2010-03-25T10:26:00.001Z

http://www.facebook.com/home.php#!/pages/Voces-Veritas/192270924193?ref=mf

Riiiiigning....

2010-03-17T15:37:00.000Z

alla daga, allan daginn.....

Nú vantar mig smá sól í sálina.

Sól sól skín á mig

ský ský burt með þig.

Gott er af sólinni að gleðja sig

sól sól skín á mig.

Í leit að ástinni...

2010-03-02T12:47:00.000Z

... þá er maður loksins búinn að opna fyrir einhverjar gáttir sem hafa verið lokaðar í nokkur ár. Nú hefst leitin og ekki eru kröfurnar litlar maður... ég þarf nú aðeins að endurskoða það held ég... en það kemur! ;)

Allt á kafi í snjó!

2010-02-25T12:06:00.000Z

Jæja, það hlaut að koma að því. Nú er barasta allt á bólakafi í fallegum snjó á suðurlandinu, og enn kyngir niður! :)

Ótrúlegar myndir á ruv.is: http://frettir.ruv.is/frett/illfaert-vida-sudvesturhorninu (hægt að smella á "horfa").

Annars gengur lífið sinn vana gang. Leikfélagið komið á fullt með æfingar fyrir afmælissýninguna okkar um Sesselju. Edda Björgvinsdóttir er leikstjóri og ég er svo heppin að fá að vera aðstoðarleikstjóri og það er nú ekki slæmt að fá að vinna með Eddu nánast á hverjum degi.. algjör snillingur þessi kona!

Vona að allir hafi það rosalega gott í dag, það væri gaman að sjá hvort einhverjir eru að kíkja í heimsókn á síðuna :)

Knús, Veinó
p.s. http://godverkin.is/

Missir

2010-02-16T11:22:00.001Z

Skrýtið þetta líf stundum... en samt ekki.

Ömmurnar mínar báðar kvöddu þennan heim í síðustu viku.

Blessuð sé minning þeirra.

Veinó.

Til gamans :)

2009-12-04T12:11:00.000Z

Langaði allt í einu að skella einhverju hérna inn. Svo asskoti langt síðan síðast :)

Jólin, jólin alls staðar eina ferðina enn...... nú eru aðventudagar Sólheimar í fullum gangi, tónleikar og gleði allar helgar og bara ansi góð jólastemning. Mæli með heimsókn hingað!

Annars allt við það sama svo sem... er búin að gera jólalegt heima og vona nú að Valdi kaldi sé að gera við uppþvottavélina mína í þessu orðum skrifuðum.... hún bilaði fyrir 2 dögum og ég er farin að sakna hennar meira en orð fá lýst! Hehehehe :)

Hulda systir í Svíþjóð að syngja og Valdís hjá henni í heimsókn, hlakka til að fá þær heim. Ólöf og mamma fóru í heimsókn til hennar um daginn og sáu frumsýningu hjá henni, rosalega gaman hjá þeim og ég vildi að ég hefði komist með...

Hei, það er bara gaman að skrifa smá blogg eftir allan þennan tíma. Gleymi alltaf hvað það er gaman að lesa þetta svona eftir á... hér kemur færslan frá því 2007 á þessum árstíma, vá hvað þetta var gaman!!! :)

Veinó

21. des 2007
Fór út að borða með VoxFox í gærkvöldi og síðan á tónleika með Reykjavík 5 í Fríkirkjunni. Maturinn var unaðslegur á Lækjarbrekku og tónleikarnir enn betri! :o)Á eftir (í hádeginu) erum við systurnar svo að fara að borða hjá Hrefnu Sætran á Fiskmarkaðnum og svo á rölt á Laugarveginum og Skólavörðustígnum. Í kvöld er svo þemapartý hjá okkur í VoxFox!!Er hægt að hugsa sér þessa síðustu daga fyrir jól betri en þetta??? Lífið er yndislegt!Hafið það gott í dag eeeeeskurnar!!! :o) Ykkar Veinó Væló

VoxFox í Oddakirkju! :)

2009-08-05T17:42:00.000+01:00

Raddbandið VoxFox heldur tónleika í Oddakirkju á Rangárvöllum fimmtudagskvöldið 6. ágúst kl. 20:00.

Á dagskránni verður A capella við allra hæfi! :)http://www.nat.is/Kirkjur/Kirkjur%20SL%20oddakirkja.htm

Bloggheimar

2009-05-06T13:38:00.000+01:00

Ég verð nú að segja það að mér finnst skemmtilegt að kíkja einn bloggrúnt á dag og sakna þess mjöööög að sjá ekki vini mína blogga a.m.k. annað slagið, snuff snuff! ;)

Annars er allt fínt að frétta úr sveitinni. Mikið að gera hjá öllum við að undirbúa sumarið og líf og fjör í þorpinu. Leikfélagið búið að skila sínu og gengu sýningarnar mjög vel að vanda.

Nú eru framundan tónleikar Sólheimakórsins 6.júní og þá verður öllu til tjaldað! Einnig ætlum við að halda nemendatónleika í lok maí og þá verður gaman að sjá fólkið mitt blómstra. :)

Jæja, nóg í bili. Það væri gaman að heyra frá ykkur!
Knús á línuna, Veinó

Sólheimaleikhúsið kynnir

2009-04-22T11:36:00.000+01:00

Skógarheimar Sólheima

Frumsýning: Fimmtudaginn 23. apríl klukkan 15:00

Leikritið Skógarheimar fjallar um mikilvægi þess að bursta tennur reglulega og hugsa vel um náttúruna. Persónur leikritsins koma úr hinum ýmsu áttum en allar eru þær þekktar meðal Íslendinga. Mikki, Lilli klifurmús, Hérastubbur bakari, Bakaradrengurinn, Karíus og Baktus, Soffía frænka, Jesper, Kasper og Jónatan koma öll úr smiðju Thorbjörns Egner. Lína Langsokkur kemur frá Astrid Lindgren og Rauðhetta úr ævintýrum Grims bræðra.

Leikritið er eftir Magnús J. Magnússon og skrifaði hann það fyrir Leikhópinn Lopa sem frumsýndi verkið árið 2006. Leikritið heitir upprunalega Skógarlíf en við fengum aðeins að fikta í því eins og okkar er háttur og endurskýrðum það Skógarheimar, með tilvísun í Sólheima. Við bættum einnig við nokkrum valinkunnum persónum eins og Gísla, Eirík og Helga, Mjallhvíti, Dvergunum 7, o.fl. svo að allir gætu verið með, söng og fjöri eins og tíðkast á Sólheimum.

Leikfélag Sólheima er einstakt, þar koma saman ungir sem aldnir, fatlaðir sem ófatlaðir og hver einstaklingur hefur hlutverki að gegna.

Svo vel var tekið á móti Dýrunum í Hálsaskógi á Sólheimum í fyrra að nokkur dýranna settust þar að og ákváðu að vera með okkur aftur í ár. Vonum við að áhorfendur skemmti sér jafn vel og við gerðum við uppsetningu verksins.

Verð hjartanlega velkominn á uppfærslu okkar á leikritinu Skógarheimar Sólheima
Höfundur : Magnús J. Magnússon
Staðfært : Þórný Björk Jakobsdóttir sem er jafnframt Leikstjóri verksins

Næstu sýningar:
Laugardaginn 25. apríl klukkan 15:00 14 ára og eldri 1500 krónur
Sunnudaginn 26. apríl klukkan 15:00 6 til 14 ára 700 krónur
Föstudaginn 1. maí klukkan 15:00
Laugardaginn 2. maí klukkan 17:00 Sjá : http://postur.solheimar.is/exchweb/bin/redir.asp?URL=http://www.solheimar.is/
Sunnudaginn 3. maí klukkan 15:00 Miðasala í síma: 847-5323

Tónleikar á morgun

2009-04-17T13:55:00.001+01:00

Sjáumst! :)
kv. Veinó

Hún á afmæli í dag...

2009-04-14T13:39:00.003+01:00

hún á afmæli hún ééég, hún á afmæli í dag!!

Húrra, húrra, húrra!!!

Til hamingju með daginn elsku ég!

Veinó

Gleðilega páska!!!

2009-04-08T17:03:00.000+01:00

Nú vona ég að allir séu um það bil að komast í páskafrí, fyrir utan alla kennarana sem eru lööööööööööööngu komnir í frí! ;)

Mikið sakna ég kennarafríanna, það get ég sagt ykkur...

Annars segi ég bara njótið páskanna elskurnar og verið dugleg að borða!!

Knús, ykkar Veinó :)

Litli Íslandsmeistarinn!!

2009-03-31T13:14:00.000+01:00

Arna Petra Sverrirdóttir systurdóttir mín varði Íslandsmeistaratitil sinn í fimleikum á laugardaginn!! Hún er Íslandsmeistari í sínum aldursflokki og ég er að springa úr stolti!!!!! :)

Til hamingju elsku frænka, þú átt þetta svo sannarlega skilið!

Lítill strákalingur fæddist í nótt!

2009-02-06T10:16:00.001Z

Til hamingju elsku Sigga Dóra og Klaus! Ég vildi óska að ég væri hjá ykkur!
Knús, Vigdís.

Sææælllllllll!

2009-01-13T12:41:00.001Z

Eitthvað er maður latur við að blogga þessa dagana...

Gleðilegt nýtt ár elsku bloggarar og takk fyrir samskiptin á árinu! Híí :)

Allt gott að frétta úr sveitinni, Mía litla dafnar vel og er rosalega dugleg að dreifa prjónadótinu mínu um alla íbúð þannig að ég þurfi að klippa mig í gegnum stofuna þegar ég kem heim úr vinnunni. Meiiiri snillingurinn þessi köttur! :)

Tónleikarnir gengur mjög vel á Rósenberg og ég kemst ekki yfir það hvað VoxFox hefur gert fyrir mig undan farin ár... ég veit ekki hvar ég væri án þeirra!

Litli kúturinn hann Arnar Geir Stebba og Ernu sonur stækkar og fríkkar með hverjum deginum, ég veit ekki hvernig þetta endar eiginlega! Kannski endar hann bara með því að verða alveg eins og ég!! Ahahaha!!

Tónlistarstarfið gengur vel á Sólheimum og í næstu viku flyt ég loksins í mína eigin tónlistarstofu með öllu tilheyrandi, jibbíkóla jólakóla! :)

Nýja árið fer bara vel af stað, er að sjálfsögðu að reyna að hrista af mér spikið í tækjasalnum, það tilheyrir nýju ári, ehaggí??

Jæja, farið vel með ykkur essskurnar!
Knús á línuna
ykkar Veinó

2008-12-11T15:44:00.000Z

Litlu jól VoxFox verða haldin á Café Rosenberg (Klapparstíg 25) 22. desember.

Vandamenn, vinir, kunningjar og ókunnugir eru jafn hjartanlega velkomnir.

Tónleikarnir hefjast 21:30 og aðgangseyrir er 1000 kr. Miðasala verður við innganginn. Athugið að posi er ekki á staðnum en hraðbanki er í grenndinni.

Hlökkum til að sjá ykkur
Kær kveðja, VoxFox

2008-11-21T08:34:00.000Z

Ráð dagsins á www.reyklaus.is

Það versta er yfirstaðið.
Þú gast þetta. Þú hefur staðið þig vel. Nú skaltu venjast þeirri hugsun að þú reykir ekki lengur.

Heildarfjöldi reyklausra daga 20 dagar.
Þar með hefur þú sparað 12000 krónur síðan hætti að reykja. (en í raun miklu meira þar sem sígarettupakkinn er kominn upp í 670 krónur að meðaltali)

Ykkar Veinó

Vel heppnaðir tónleikar

2008-11-18T09:27:00.000Z

Um daginn stofnuðum við nokkrir starfsmenn á Sólheimum sem syngja og spila á hljóðfæri hljómsveit. Við héldum svo tónleika í kirkjunni á laugardaginn við frábærar undirtektir. Þemað var blúgrass frá suðurríkjum Ameríku og lögin sem við völdum eru hreint út sagt geggjuð! :) Þetta var alveg ofboðslega gaman og ég er svo ánægð að geta verið að gera eitthvað svona hérna í sveitinni, svona á lífið að vera, ekki satt?!?

kv. Veinó :)

Er bloggið orðið þreytt fyrirbæri?

2008-11-14T09:45:00.001Z

Ég bara spyr... nei, er það nokkuð?? Ég held alla vega áfram að skrifa hérna annað slagið, þetta er svo rosalega góð dagbók og gaman að fletta aftur í tímann svona annað slagið. Hér fyrir neðan er t.d. færsla frá því í nóvember í fyrra.. fyndið! :) Og þetta er hann Arnar Geir Stefánsson, er hann ekki dásamlegur!?! Jæja, hafið það gott elskurnar! Ykkar Veinó

22. nóvember 2007
Umhleypingar í veðrinu og mér...
Er maður ekki orðinn pínulítið þreyttur á þessum endalausu lægðum og hæðum til skiptis á korters fresti??? Bæði í veðrinu og í manni sjálfum....... mér finnst ég alltaf vera veik þessa dagana, það er eins og ég fái allt sem er í gangi hérna á Sólheimum, þarf greinilega að byggja upp ónæmiskerfið...Jæja, ég veit að maður á ekki að kvarta yfir svona smámunum.... minni sjálfa mig á það daglega hvað margir eru að berjast við erfiða hluti í lífinu.Hafið það gott elskurnar!p.s. verð að láta þetta fylgja, er einmitt að horfa á þessa þætti á dvd í veikindunum, veit ekki hvort það er að hafa góð eða slæm áhrif á mig.... ;o)http://www.youtube.com/watch?v=ffEM20zZHX8

Sólheimakórinn

2008-11-08T15:22:00.000Z

Áðan var ég að troða upp með Sólheimakórnum á kaffihúsinu hérna á Sólheimum, og þvílíkt og annað eins! Þau eru svo dásamleg að ég á ekki til orð yfir það. Sönggleðin skein af hverju andliti krafturinn er engu líkur. Mér finnst ég svo heppin að fá að vinna með þeim!

Á myndinni eru nokkrir úr kórnum, en þarna erum við stödd á Spáni.

Yfir og út!

Veinó :)

BRrrrrrrrr............

2008-10-28T08:42:00.003Z

Það er svo kalt! Úff púff!

Er kalt hjá ykkur??

Knús, Veínó :)

AFMÆLISBARN DAGSINS!

2008-10-24T12:30:00.001+01:00

Er frú Lilja Dögg Gunnarsdóttir, VoxFox-refur með meiru!!!

Til hamingju með daginn elsku Liljan okkar og hafðu það gott fyrir vestan um helgina, bið að heilsa öllum þar!

Knús og kossar til þín,

þín Veinólína

Lífið

2008-10-17T10:52:00.001+01:00

Lífið getur nú verið óvænt og skrítið ekki satt? Við erum að upplifa splunkunýja tíma í heiminum og ég get ekki neitað því að mér finnst það dálítið spennandi. Auðvitað langar mig að geta bjargað öllum út úr peningavandræðum og mig langar mest af öllu að geta flogið með mat til allra þeirra sem svelta í heiminum í dag, meira en nokkru sinni fyrr... en hvað getur maður gert sem einstaklingur annað en að senda ljós og styrk um allan heim?? Ég bara spyr, er eitthvað meira sem við getum gert? Á maður bara að treysta þeim sem hafa völdin til þess að taka nú ábyrgð og gera eitthvað virkilega gagnlegt. Ég verð að segja að mér finnst það erfitt, eru ekki allir uppteknir við að huga að málsókn og vingast síðan við Rússa? Þetta veitir mér nákvæmlega ekkert öryggi, það eru aðrir hlutir sem veita mér öryggi. Það veitir mér t.d. endalaust öryggi að eiga fjölskyldu sem er engri lík, hún er traust, jákvæð og umfram allt heilsuhraust! Ég vil tileinka þessi skrif mömmu og allra í fjölskyldunni minni sem mér þykir svo vænt um!

Farið vel með ykkur elskurnar!

Ykkar Veinólína :)

Í dag er ég þakklát fyrir...

2008-10-14T15:32:00.001+01:00

að eiga dásamlega fjölskyldu!

að vera heil heilsu!

að hafa frábæra vinnu!

að eiga yndislega vini!

að eiga í raun ekkert nema húsgögn og skuldir!

að heimurinn fær loksins að kynnast nægjusemi!

Hafið það gott!

Ykkar Veinólína :)

Förum vel með okkur! :)

2008-10-10T09:25:00.000+01:00

Verð líka að fá að benda á þessi frábæru skrif frá gamalli skólasystur úr sveitinni, algjör snilld! :)
http://gunnfridurelin.blog.is/blog/gunnfridurelin/

Ykkar Veinó

Spánn var ljúfur maður!

2008-10-07T15:21:00.000+01:00

Svo kemur maður bara heim í snjó og hræðilegar fréttir fyrir þjóðina....úff hvað er að gerast eiginlega??

En upp með brosið, það er víst beygja sem réttir af alla hluti! :)

Farið vel með ykkur í'essu öllu saman elskurnar mínar hvar sem þið eruð í heiminum!

Knús á línuna, ykkar Veinó

Svíþjóð...

2008-09-17T12:45:00.000+01:00

..var frábær!!! Algjörlega ólýsanleg ferð! Vorum svo að syngja fyrir 500 manns í Perlunni í gærkvöldi og þvílíkar framfarir frá því áður en við fórum út. Vá! :)

Á morgun er ég svo að fara til Spánar með 8 manns frá Sólheimum. Hlakka mikið til að komast í sólina skal ég segja ykkur! Lífið leikur bara við mann þessa dagana!

Hafið það gott essskurnar!
Ykkar Veinó

Trallallallala.................

2008-09-05T09:31:00.000+01:00

Lífið snýst sem sagt meira og minna um söng þessa dagana.... Tónleikarnir á Rósenberg gengu frábærlega, stútfullt út að dyrum og fullt að fólki þurfti frá að hverfa! :) Næst verður það bara Egilshöll! Híhí :)

Svo er það Svíþjóð í næstu viku. Þá verður sungið í 5 daga og við munum koma heim reynslunni ríkari og miklu betri en nokkru sinni fyrr, ég lofa! :)

Þegar ég kem heim frá Svíþjóð líða 2 dagar þangað til ég fer með hóp héðan frá Sólheimum til Spánar! Jibbíkóla! Fyrsta sólarlandaferðin mín hvort sem þið trúið því eður ei...

Sem sagt, allt að gerast!
Það væri gaman að heyra í ykkur elskurnar, farið vel með ykkur!
Knús ykkar Væla Veinólína

Silfur og stórtónleikar VoxFox!

2008-08-26T09:11:00.000+01:00

Til hamingju með silfrið Íslendingar, þetta var svo sannarlega mikil veisla og þvílík spenna, gleði, grátur, hlátur og allt þar á milli. Takk fyrir það strákarnir okkar!

Annars er ég bara með tárin í augunum núna... við í VoxFox vorum að fá styrk frá Loftbrú fyrir öllum flugmiðunum, fram og til baka, á a capella sönghátíðina sem við erum að fara á í Svíþjóð 10. september. Þetta er svo ólýsanlegur léttir fyrir okkur að þið trúið því ekki. Nú nota ég bara tækifærið og auglýsi tónleikana okkar þann 2. september á nýja Rósenberg (á Klapparstíg) sem opnar núna á næstu dögum. Þetta er þriðjudagskvöld og tónleikarnir hefjast kl. 20:30, miðaverð er 2000 krónur því við eigum ennþá eftir að safna fyrir svo ótrúlega mörgu sem þessi ferð býður upp á, námskeiðsgjöldum, rútuferðum, hóteli og ég veit ekki hvað og hvað. Ég vona svo innilega að ég fái að sjá alla vini mína á þessum tónleikum það yrði ómetanlegur stuðningur fyrir mig og okkur öll! :) Gestasöngvarar verða Páll Óskar Hjálmtýsson og Kristjana Stefánsdóttir.

Lovjúgæs!
Ykkar Veinó

Gull, gull, gull!!!!

2008-08-23T16:32:00.000+01:00

Áfram Ísland!

Mig langar að koma góðri hugmynd frá Huldu systur á framfæri: Allt getur hjálpað strákunum okkar að ná gullinu, við mælum með því að allir pakki silfurskartgripunum sínum niður í skúffu og taki nú upp allt gullið! Allir með gull skart og í gullfötum ef þeir eiga! Rétta hugarfarið og réttu straumarnir alla leið til Kína! Allir með??

Knús, ykkar Veinó :)

Er þetta ekki sætasti strákur í heimi????

2008-08-13T09:29:00.000+01:00

Er hægt að segja eitthvað fleira um þennan litla draumaprins sem Stebbi bróðir og Erna mága eignuðust þann 26. júlí?? Hann er guðdómlegur og ég er að fara að sjá hann í fyrsta skipti á föstudaginn, jibbíkóla! :) Til hamingju með ljóna litla elskurnar mínar!

Svo er hún SDH mín ófrísk! Haldið að sé nú!! Þetta gæti ekki verið betra! :)
Knús á línuna, látið endilega í ykkur heyra hérna á síðunni.
Ykkar Veinó

Kominn tími á blogg??

2008-08-08T13:26:00.000+01:00

Já mér finnst það. Og líka hjá ykkur hinum! :)

Allt gott að frétta úr paradís, sumarfríið var yndislegt en dálítið stutt. Það var frábært í Köben hjá SDH og Klaus og ættarmótið var líka algjörlega frábært! Ég var ekki alveg tilbúin að fara að vinna aftur eftir 2 vikna frí og er eiginlega ennþá að hengslast um með hálfum huga...

Nú er fókusinn á stórtónleika VoxFox 2. september. Við erum á fullu að æfa þessa dagana og taka myndir fyrir plagat og auglýsingar. Þetta verða vonandi stærstu tónleikarnir okkar til þessa og við erum mjög spennt. :) Svo förum við til Svíþjóðar á acapella-masterclass á vegum Realgroup. http://www.youtube.com/watch?v=URpLESNyydE&feature=related og við erum sem sagt að safna styrkjum fyrir ferðinni því hún er ansi dýr.... Við (ásamt 9 öðrum sönghópum) verðum þar í 4 daga og munum læra af heimsþekktum tónlistarmönnum, jibbíkóla! Get ekki beðið! (þar verða þessir snillingar líka, þau eru í algjöru uppáhaldi hjá okkur! http://www.youtube.com/watch?v=0F_mt5616no&feature=related)

Það er gaman að segja frá því að ég og Laufey Leifs frænka heimsóttum Jón Gunnar um daginn og það var í einu orði sagt MEIRIHÁTTAR að fá loksins að knúsa kallinn! Hann leit svo vel út og sagði okkur góða brandara af gömlum vinum úr sveitinni, snillingur! :) Ég vona svo innilega að við látum verða af því að halda svona Laugalands-reunion bráðlega.

Jæja elskurnar. Nú er ég búin að buna einhverju út úr mér og læt það nægja í bili. Hafið það gott í síðasta mánuði sumarsins 2008, allir að njóta sín í botn núna! Og hana nú sagði hænan og lagðist á bakið!!! :)

Knús í klessu, ykkar Veinólína

Alveg að fara í sumarfrí!

2008-07-07T23:16:00.000+01:00

Og get ekki beðið. Fer til Siggu Dóru á föstudaginn, alltaf gott að koma til Köben og hvað þá til bestu vinkonunnar, ekki slæmt! ;)

Annars bara fínt að frétta. Fór á Þingvelli í gær í trufluðu veðri, þvílík paradís!

Hafið það gott elskurnar, og verið dugleg að kvitta ef þið nennið. :)

Knús á línuna, ykkar Veinó

Paul Simon!

2008-07-01T13:23:00.001+01:00

Ég er sem sagt búin að bíða eftir þessum tónleikum í marga mánuði og nú er dagurinn loksins runninn upp! Jibbíkóla!

http://paulsimon.com/

Annars segi ég bara hafið það gott elsku dúllurnar mínar, hvar sem þið eruð!! :)
Knús og kossar, ykkar Veinó

Björk og Sigurrós!

2008-06-26T11:04:00.000+01:00

Ég get barasta ekki beðið eftir tónleikunum á laugardaginn. Þetta verður stór viðburður í íslandssögunni gott fólk, hvað sem einhver Árni Jónsen segir..... Ég vona bara að þarna verði 30 þúsund manns og allir með sömu skilaboðin, við viljum vernda okkar yndislegu náttúru, ekki satt???? :)

Svo er það bensínverðstríðið! Ég er svo ánægð með þennan tölvupóst sem er í gangi, þetta er aðferðin til þess að við getum loksin haft áhrif!!

Og hana nú sagði hænan og lagðist á bakið!!

Ykkar Veinó í ham...

Hellirigning og haglél!

2008-06-22T13:13:00.000+01:00

Já það er nú svo á Sólheimum þessa stundina. Frídagur hjá minni í dag og þetta er veðrið sem hún pantaði.... not! ;) En allt í góðu, ég verð bara inni að lesa bók og hlusta á útvarpsþátt um Sandy Davis á Rás 2 kl. 14:00.

Það er svo mikið að frétta að ég kem því ekki öllu fyrir hér held ég... en ég get þó sagt sagt að sumarið hefur leikið við mig enn sem komið er, og ég er mjög þakklát fyrir það.

Farið vel með ykkur elskurnar!
Ykkar Veinó :)

Jarðskjálftar....

2008-06-03T11:57:00.000+01:00

Það er hreinlega eins og allt kraumi undir fótunum á okkur hérna á Sólheimum. Ef við finnum ekki fyrir jarðskjálftum þá er einhver ólýsanlega spenna í gangi og manni líður eins og jörðin sé alltaf á hreyfingu. Skrítið.

Annars er bara allt ágætt að frétta af mér. Veðrið hefur verið fínt, en þó hefur sólin verið eitthvað í felum.... en hún er í stuði akkúrat núna!

Ég hélt að ég væri að missa vitið áðan.... ísbjörn á norðurlandi! Hvað er í gangi á þessu landi?? :)

Jæja, þetta verður stutt í dag,
farið vel með ykkur elskurnar!
Knús, Veinó

Saknisakn...

2008-05-27T09:23:00.000+01:00

Ég verð að viðurkenna að ég sakna bloggheima dálítið... skrýtið... en ég hef ekki mikinn tölvutíma aflögu þessa dagana og bið ykkur því bara vel að lifa þar til næst elskurnar!

Mér þætti samt gaman að fá frá ykkur línu, þið eruð svona eins konar pennavinir mínir! :)
Knús á línuna, ykkar Veinó

Frábær árangur!

2008-05-24T23:42:00.000+01:00

Ég verð bara að segja að mér fannst Friðrik og Regína standa sig alveg frábærlega og vera okkur til mikils sóma! Til hamingju Ísland!!!!

Knús, ykkar Veinó

Góð helgi að baki

2008-05-14T11:59:00.000+01:00

Var í bílskúrnum hjá Ólu sys um helgina og hafði það ekkert smá notalegt. Hún og mamma voru búnar að gera svo fínt fyrir mig, setja blóm í vasa og kerti út um allt og ég naut þess í botn að liggja og prjóna og horfa á dvd. Þvílíkt dekur!

Í gær tók ég mér frí í vinnunni til að finna bíl, en rétt áður en ég ætlaði að kaupa hann komst ég að því að það var kominn tími á tímakeðjuna og það hefði kostað mig 65 þús að gera við það...... ákvað að bíða frekar aðeins og skoða betur. Við erum 3 saman hérna á Sólheimum að kaupa okkur lítinn, notaðan og ódýran snattbíl , þið látið mig vita ef þið vitið um einhvern slíkan! :)

Jæja, hafið það nú gott í dag esssskurnar!
Knús, ykkar Veinó

Reykjavík here I come!

2008-05-06T11:12:00.000+01:00

Loksins er komið að fríhelgi hjá minni..... leikhúsið búið að taka allan minn hug og tíma undanfarinn mánuð og nú er ég tilbúin að leggja land undir fót og skreppa í höfuðborgina.

Annars er allt búið að leika í lyndi. Fjölskyldan kom á leiksýningu á sunnudaginn og svo var farið heim á pall og grillað og þar áttum við saman frábæra samverustund. Takk fyrir það elsku fjölskylda! :)

Ég hef svo sem ekkert merkilegt að segja annað en bara allt gott.

Farið vel með ykkur elskurnar mínar!

Ykkar Veinó

Yndislegar æskuminningar

2008-05-02T09:32:00.000+01:00

Já. Það er langt síðan ég hef fengið tækifæri til að rifja upp æsku mína í umhverfi sem minnir mig mjög á laugalandssvæðið og allt það sem sveitin hefur upp á að bjóða.

Ég man að svefnherbergisglugginn minn var alveg upp við trjátoppana og ég vaknaði þess vegna alltaf við fuglasöng á sumrin, og ekkert smá fallegan söng. Það er ég að upplifa hérna líka. Þvílíkur þrastarsöngur, hann smýgur gjörsamlega inn í hjartað á mér. Það var svo mikið fuglalíf í sveitinni og áhuginn á heimilinu var líka mikill og pabbi og mamma notuðu hvert tækifæri til að fræða okkur um hinar ýmsustu tegundir. Þetta er góð minning! (Ég hef þó ekki fengið að sjá kríuna ennþá, uppáhalds fuglinn minn).

Vildi bara deila þessu með ykkur elskurnar!
Hafið það gott í dag. Ykkar Veinó :)

Amælisstelpa dagsins!

2008-04-28T16:01:00.000+01:00

Hún á afmæli í dag
hún á afmæli í dag
hún á afmæli hún Valdís frænka....
hún á afmæli í dag!

Hún lengi lifi!
Húrra, húrra, húrra, húrra!!!!

Hún elsku "litla" frænka mín er tvítug í dag og ég nota tækifærið hér og óska henni innilega til lukku með daginn! Ég elska þig Valdís Eva mín! :)

p.s. allt gott að frétta af mér, mikið að gera og lítið um blogg. Ég blogga samt í huganum á hverjum degi og vona að allir hafi það mjög gott á þessum fyrstu dögum sumarsins.... vorsins..... vetrarins.... veit ekki hvað þetta er eiginlega......

Lovjúgæs, ykkar Veinólína

2008-04-25T11:36:00.000+01:00

Dýrin í Hálsaskógi eftir Thorbjörn Egnar
Frumsýning sumardaginn fyrsta 24. apríl kl. 15:00

Næstu sýningar:
Laugardaginn 26. apríl klukkan 17:00
Sunnudaginn 27. apríl klukkan 15:00
Fimmtudaginn 1. maí klukkan 15:00
Laugardaginn 3. maí klukkan 15:00
Sunnudaginn 4. maí klukkan 15:00

Verið hjartanlega velkominn á uppfærslu okkar á leikritinu
Dýrin í Hálsaskógi eftir Thorbjörn Egner

14 ára og eldri 1500 krónur
6 til 14 ára 700 krónur

Einu sinni var....

2008-04-18T12:40:00.000+01:00

...stelpa sem átti heima í Reykjavík. Hún þráði að búa í sveitinni en geta samt verið nálægt borginni og fjölskyldunni sinni. Hún flutti á Sólheima í Grímsnesi. Þar flutti hún í lítið einbýlishús með grasþaki, vann í tónlistinni sinni, bjó til sápur og hljóðfæri og naut þess að vinna með yndislegu fólki. Þegar hún labbaði í vinnuna á morgnana hlustaði hún á fuglasönginn og hugsaði um það hvað hún hafði það gott og hvað hún væri heppin. Hver vildi ekki vera þessi stelpa??

Knús og góða helgi!

Ykkar Veinó

Hafið það gott í dag elskurnar!

2008-04-16T09:43:00.001+01:00

Hún á afmæli í dag...

2008-04-14T11:11:00.001+01:00

...hún á amæli í dag,

hún á afmæli hún ég!!!!!

Hún á afmæli í dag...

Takk fyrir, takk fyrir, takk fyrir :)

Veinólína

Snjór!

2008-04-09T12:21:00.000+01:00

Ég er ekki alveg að kaupa þetta! :/ Hér snjóar og snjóar, gjörsamlega kyngir niður.... en hjá ykkur?

Annars bara ljómandi gott að frétta. Hulda systir kom til mín í gær með fullan bíl af húsgögnum. Ég var sem sagt að kaupa mér sófa og borð og hún náði að troða því í bílinn sinn og koma með það. Ég mun aldrei skilja hvernig hún fór að þessu, held að hún sé galdrakona!

Svo eru bara endalausar leik- og söngæfingar fyrir leikritið okkar sem verður frumsýnt á sumardaginn fyrsta (24. apríl). Dýrin í Hálsaskógi!! :)

Hafið það rosalega gott í dag og farið vel með ykkur!
Óverendát, Veinó

Svo fyndið! :)

2008-04-07T17:37:00.000+01:00

http://www.youtube.com/watch?v=nJFF7QkwRaI

Ég elska kisur!
Knús í klessu, ykkar Veinó

Það er svo gott að búa á Sólheimum....

2008-04-04T17:08:00.000+01:00

... og örugglega í Kópavogi líka.... :)

Það er sem sagt að koma helgi enn og aftur og ég gæti ekki verið sáttari við það. Er að fara að vinna í búðinni um helgina, verð þar aðra hverja helgi í sumar. Það verður örugglega bara yndislegt!

Hafið það gott um helgina elskurnar og dekrið við ykkur í gluggaveðrinu!

http://www.solheimar.is/Template1.asp?Sid_NR=590&E_NR=562&VS=1VS1.asp&VT=588&VT2=590

Enginn bíll í bili...

2008-04-02T11:43:00.000+01:00

Þegar ég og Stebbi bróðir fórum í innkaupaferð um helgina var barasta búið að loka á öll 100% lán og bara lánað til 48 mánaða.... ég var sem sagt aðeins of sein... þeir sögðu að þetta hefði breyst á einum klukkutíma, ekki einum sólarhring..... þannig að...... þannig fór um sjóferð þá! ;)

En maður gefst svo sem ekki upp alveg strax. Nú er bara að leita að einhverjum gömlum og góðum á nokkra þúsundkalla svo ég þurfi ekki að taka lán, þið látið mig vita ef þið þurfið að losa ykkur við gamla bílinn ykkar! :)

Ennívei. Allt gott að frétta úr Paradís. Sólin skín bæði úti og inni.

Hafið það gott! :)
Veinólína

Góða helgi!

2008-03-28T16:10:00.001Z

Veinolína er rokin í bæinn og kemur ekki aftur á Sólheima fyrr en hún er búin að fá sér bíl!! Og hana nú og bíttu í og hopp og hí og trallalla...... Sjáumst!

Knús í klessu, Veinó

Gleðilega páska!

2008-03-22T17:49:00.001Z

Langaði bara að kasta smá kveðju á ykkur elskurnar.

Það gekk vel fyrir norðan og nú er ég í borginni yfir helgina.

Farið nú vel með ykkur og verið góð hvert við annað, það er málið!!!

Knús og kossar, Veinó :)

Æ, varð eitthvað blogglöt....

2008-03-11T16:36:00.000Z

Ég veit svo sem ekki alveg hvað ég á að skrifa í dag..... er eitthvað þungt hugsi yfir lífinu og tilverunni þessa dagana. Ekki það að mér líði eitthvað illa, ég er bara ekki alveg sátt við hann þarna uppi stundum...

Ég held að ég skrifi ekki meira í dag en noti bara tækifærið og minnist tveggja heiðurskvenna sem hafa látist á undanfarinni viku. Hún Hafdís vinkona mömmu var jarðsungin í gær á Akueyri og hún elsku Ranna, mamma hennar Diddu vinkonu lést á sunnudagskvöldið. Þetta er bara eitthvað svo ömurlegt stundum, þær voru báðar allt of ungar. Ég er sem sagt á leið norður á jarðarför á mánudaginn, það verður gott að hitta allar vinkonurnar og halda utan um hana Diddu okkar.

Ég treysti því að þið hugsið til hennar elskurnar.

Ykkar Veinó

Afmælisbarn dagsins!

2008-03-06T10:03:00.000Z

Hún á afmæli í dag

hún á afmæli í dag

hún á afmæli hún Ólöf

hún á afmæli í dag!!!

Til hamingju með daginn elsku stóra systir! Þú ert dásamleg manneskja, takk fyrir að vera til!!!

Paradís skartar sínu fegursta

2008-03-01T13:53:00.000Z

Í dag er einn fallegast vetrardagur ársins að mínu mati. Allt á kafi í fallegum nýföllnum snjó, blankalogn, blár himinn og glampandi sól. Er eitthvað dásamlegra en þetta á þessum árstíma???

Allt gott að frétta annars frá Sólheimum, fullt af hópum í heimsókn og þorpið iðar af lífi, búðin opin og kaffihúsið opið í smá stund og allt að gerast! Híhí, fyndið hvað maður gleðst yfir litlu hérna.... svona á þetta að vera!

Hún elsku litla systurdóttir mín, Arna Petra Sverrisdóttir varð Íslandsmeistari í 5. þrepi í fimleikum áðan, þvílík stjarna! Nóg af keppnisskapi og hæfileikum á þeim bænum! Til hamingju elsku frænka og Garðar Steinn til hamingju með systur þína!

Jæja elskurnar, farið nú vel með ykkur og hvort annað um helgina. Best að drífa sig aftur heim (búin að vera að vinna smá hérna á jurtastofunni).

Knús, ykkar Veinó

Bötnuð! :o)

2008-02-28T10:10:00.000Z

Takk fyrir kveðjurnar í síðasta bloggi elskurnar, mér líður strax betur og kvefið er í rénun. :o)

Annars er bara mest lítið í fréttum, verð í rólegheitum um helgina í kofanum mínum ef einhver á leið um og vill kíkja í kaffi!

Hér snjóar og snjóar, allt á kafi eftir nóttina og ofankoman heldur áfram, áfram, áfram......

Farið vel með ykkur í dag eesssskurnar!

Knús, Veinó

Þriðjudagur

2008-02-26T15:34:00.000Z

Og svo sem ekkert merkilegt við það.... nema kannski hvað það er dásamlega gott veður! :o)

Annars er það kvefið sem hefur bankað upp á á Rein hjá henni Vigdísi, nú er það bara snýtingar og tittsjúbréf út um allt, smekklegt....

Ég er nú samt að berjast við að vera í vinnunni, mér finnst svo dæmalaust leiðinlegt að hanga heima.... var heima 3 daga í síðustu viku og úff hvað ég var orðin þreytt á því. Mér finnst frábært hvað þessi mynd er lýsandi fyrir ástandið á heimilinu..... :o)

Knús og kossar til ykkar allra þarna úti! Veinó

Helgarfrí!

2008-02-22T10:02:00.000Z

Jeiiiiij!

Fer í borgina í dag, söngsýning með Gunna i FÍH í kvöld og svo óperan á sunnudaginn, þetta verður góð helgi, ég finn það á mér.

Góða helgi elskurnar, farið vel með ykkur!
kv. Veinó

www.opera.is

Fjölskyldan

2008-02-13T08:12:00.000Z

Er eitthvað mikilvægara en fjölskyldan? Ég bara spyr.

Nei, ég held ekki og það er svo magnað hvað fjölskyldan gefur manni mikið og leyfir manni að gefa af sér til baka. Ég hef oftar en einu sinni rambað inn á bloggsíður þar sem fólk er að tala um einmitt þetta, það segir manni svo margt um það sem í raun skiptir máli í þessu öllu saman.

Í lok næsta sumars eigum við í fjölskyldunni von á nýjum einstaklingi í þennan heim og ég finn hvað tilhlökkunin er mikil nú þegar. Stebbi og Erna verða dásamlegir foreldrar og litla krílið mun eiga fullt af ömmum, öfum, frænkum og frændum sem geta ekki beðið eftir að dekra við það!

Verum góð hvert við annað, það er alltaf þess virði!

Knús og kossar út í daginn, ykkar Veinó :o)

Engin tölva heima...

2008-02-11T16:49:00.000Z

Ég er sem sagt ekki komin með nettengingu í nýja húsið.... það kemur vonandi með vorinu. :o)

Ég mun sennilega blogga eitthvað minna þangað til, farið vel með ykkur!

Ykkar Veinó

Ussusssussssss.....

2008-02-08T16:11:00.000Z

Meiri veðurblíðan þessa dagana......

Jæja, kemst því miður ekki í borgina í dag á æfingu..... snuff...

Allir að passa sig á rokinu!!!!!

Góða helgi!

Ykkar Veinó

Af http://www.vedur.is/
Viðbúnaðarstig vegna snjóflóða - Norðanverðir Vestfirðir
Viðvörun
Búist er við stormi um allt land fram á nótt og mikilli rigningu um sunnanvert landið í kvöld.

Draumahöllin!

2008-02-06T18:34:00.000Z

Ég er sem sagt flutt og búin að sofa í nýja húsinu mínu í tvær nætur! :o)

Þetta er í alvörunni draumi líkast, þið verðið bara að koma og sjá!

Hafið það gott í dag elskurnar, ykkar Veinó

p.s. myndin er tekin á Sólheimum, það snjóar endalaust hérna.....

Fullkomið líf!

2008-02-02T21:23:00.000Z

Ég sit sem sagt heima og er að horfa á Laugardagslögin og Hrútinn Hrein. Ég held með "Fullkomið líf".... alveg nógu evróvisjónlegt fyrir mig... annars finnst mér lagið eftir Svölu Björgvins sem Haffi Haff syngur laaaaaaang flottast, en það er ekki að keppa í kvöld. :o)

En sjáum hver vinnur... bíðið aðeins...nú er Ragnhildur að telja niður, Palli farinn að tjá sig, Erpur sveiflar sér og geiflar, blablablablabla.......................

Einn, tveir og ....... Fullkomið líf!!!!! Jibbíkóla!!!!! Eina vitið!!!!! :o)
Eins gott að Regína sleppi flautinu og detti ekki á hælunum, þá verður þetta fullkomið!

...ó þau eru víst tvö, gula höndin, algjör snilld!!!

Óver and át!
kv. Veinó

Nýtt í fréttum!

2008-01-30T21:03:00.000Z

Vigdís litla er að fara að flytja í húsið sem hana hefur dreymt um síðan hún var lítil! :o)

Pínulítið hús í sumarbústaðarstíl, með grasþaki, baðkari, uppþvottavél og litlum sætum sólpalli með geðveiku útsýni! Er hægt að biðja um meira???? Lovvvvitt!

Í þessum orðum skrifuðum eru iðnaðarmenn í blíðu og stríðu á fullu að gera þennan litla sæta kofa minn upp, ég kíkti við í dag og þetta verður svoooooo fallegt.

Flyt inn um helgina, allir velkomnir í heimsókn!

Síjú!
Ykkar Veinó

Þorrablót og svona...

2008-01-29T08:25:00.001Z

Jamm. Á föstudaginn verður haldið þorrablót hérna á Súlhæmer og að sjálfsögðu mun kórinn troða upp ásamt nokkrum upprennandi snillingum á hljómborð, harmonikku, flautu og tamborínu. Oh þau verða svo flott þessar elskur og ekki vantar stemmninguna í hópinn. :o)

Annars er bara gott að frétta skal ég segja ykkur. Ekkert nýtt svo sem, (nema síður sé) enda algjör óþarfi þar sem lífið er barasta dásamlegt eins og það er! Ég vona að þið hafið það gott elskurnar og séuð góð hvert við annað!

Knús í klessu
Veinólína

Guði sé lof fyrir danskan handbolta!!!

2008-01-27T15:00:00.001Z

ÁFRAM DANMÖRK!!!!!!!

Hafið það gott í dag kæru vinir!
Ykkar Veinó

Vetur!

2008-01-25T11:22:00.001Z

Já þetta er tær snilld! Loksins kemur almennilegur vetur hérna á "los klakos"!

Ætli verði þá ekki örugglega gott sumar, 35 stiga hiti og hafgola???

Við treystum á það Guddi minn.

Annars bara sól og blíða (eða þannig) í Sólheimum. Farið vel með ykkur í dag og fáið ykkur kakó! Reynið nú að skrifa nokkrar línur ef þið kíkkið við eeeeskurnar.

Knús, ykkar Veinó :o)

Er þetta grín?!?

2008-01-25T03:30:00.000Z

Ég held að það sé laaaaang best að kjósa bara í borginni. Þetta á aldrei eftir að virka! Mig langar í fyrsta skipti að skrifa eitthvað hrikalega leiðinlegt, neikvætt og ljótt um ákveðna aðila hér á blogginu mínu... en ég ætla ekki að gera. Fæst orð bera minnsta ábyrgð og allt það.... En almáttugur hvað maður fær mikinn kjánahroll af þessu öllu saman. Ég get ekki annað en hugsað um öll börnin sem horfa á þetta og lepja ósiðina upp eftir þeim sem eiga að sýna gott fordæmi í samskiptum og lýðræðislegum vinnubrögðum... úffpúff!

Svo lentum við í 11.sæti á EM og Alli Gísla hættur.... æðislegt!! :(

En annars bara svaka stuð á minni í dag.... hafið það gott, óverendát!
VEINÓ

Versti dagur ársins??

2008-01-21T18:48:00.000Z

Samkvæmt einhverjum útreikningum á þetta að vera versti dagur ársins...... ég get nú ekki alveg tekið undir það, en þið??

Já, já, sem sagt bara ágætt að frétta af Veinólínu. Var í borginni um helgina og átti frábæra helgi með Huldu systur, þvílík afslöppun og kósíheit, næstum eins og á myndinni.... (Fór reyndar út á lífið á föstudagskvöldinu og á æfingu á laugardagskvöldinu, voða voða gaman, allir saman, fallegir í framan.... trallallallaa...)

Hef sem sagt lítið að blaðra í dag og undanfarna daga, hélt nú að EM yrði aðeins til að lyfta manni upp... en seisei nei... maður bara á ekki til eitt aukatekið orð!!! Svo verður maður orðinn eins og Ragnar Reykás eftir nokkra daga og segir: Æi þeir stóðu sig bara alveg ágætlega strákarnir okkar! :o) Híhí!

Farið vel með ykkur eessskurnar!
kv. Veinó

Þannig fór um sjóferð þá......

2008-01-21T08:28:00.000Z

ÁframÍslaaaaaaaaaaaaaaannnnnnnnnnnnnnnnnnnnnnnnnnnnd...........................

Snuff!!!
Veinó

ÁFRAM ÍSLAND! :o)

2008-01-17T17:31:00.000Z

Jæja, nú dugar ekkert minna en sigur í kvöld, Svíagrýlan er ekki lengur til og komið að íslensku víkingunum að taka þá gulu í karphúsið!!! Ég get ekki beðið... búin að kaupa mér heimapítsu og bjór, allt klárt.. :o)

Lovjúgæs, Veinó

Snjór aldarinnar...

2008-01-15T20:41:00.000Z

Juminn almáttugur, ég hef aldrei á ævi minni séð svona mikinn snjó eins og hefur fallið hér á Sólheimum síðan í nótt. Þetta er magnað!!!! Loksins kom almennilegur vetur, þetta er bara eins og þegar maður var lítill... nema bara miklu meira. :o) Dásamlegt!!
Stórt knús til ykkar allra, ykkar Veinó

Mig langar mest af öllu í fallega íslenska lopapeysu og alvöru lopasokka! Hver getur prjónað svoleiðis handa mér á mettíma fyrir gott verð??

2008-01-14T20:07:00.000Z

Hundapeysa! :o) Mér finnst hún flottust!!

Þessar myndir eru teknar af netinu, bara af því að mér finnst þær svo flottar,

ég vona að enginn líti á mig sem þjóf... biðst þá afsökunar!

Ykkar eina sanna

Væla Veinólína

Tilhlökkun

2008-01-13T11:47:00.000Z

Fyndið hvað litlu hlutirnir verða eitthvað spennandi þegar þeir eru sjaldnar í boði. Ég er t.d. að fara í messu á eftir og svo er það kirkjukaffið á Grænu könnunni á eftir.... ég get sem sagt ekki beðið eftir kökusneiðinni minni og góða kaffibollanum!! Það er ekkert opið á kaffihúsinu þessa dagana og þetta hefur því verið tilhlökkunarefni frá því í fyrra... Gaman, gaman! :o)

Svo er að sjálfsögðu landsleikur í handboltanum seinni partinn, það er alltaf tilhlökkunarefni líka! Nú er bara að vona að strákarnir hafi hlustað á "Ísland er land þitt" og horft á einhverjar "kúngfú" myndir til að peppa upp keppnisskapið... :o) Við bara verðum að vinna!
Það er svo gott fyrir sálartetur allra Íslendinga! :o)

Jæja elskurnar, hafið það gott í dag!
Ykkar Væla

Er algjörlega heilluð af þessari mynd sem var á Rúv í vikunni og endurtekin áðan :o) ALGJÖRT SNILLDAR VERKEFNI!!

2008-01-12T12:53:00.000Z

http://www.nobelity.org/

Væla Veinólína

GÓÐA HELGI ELSKURNAR!

2008-01-11T17:51:00.000Z

Fann þessar kisumyndir á netinu, hafið þið sé nokkuð sætara??

Farið vel með ykkur! Veinó :o)

Ævintýraþorp

2008-01-09T17:45:00.000Z

Sólheimar eru alveg eins og ævintýraþorp í dag. Snjór yfir öllu og allt eitthvað svo krúttaralegt, þetta er næstum eins og álfabyggð.... kannski erum við bara álfar sem búum hér... hver veit?? :o)

Annars fínt að frétta svo sem. Vinna, TV, lesa, borða, sofa, borða, tölva, borða o.s.frv...

Farið vel með ykku eeeeesskurnar!

Ykkar Væla Veinólína

Búin að velja!!!

2008-01-08T17:18:00.000Z

Takk fyrir góð ráð! Sjáumst á Ólympíuleikunum.... :o)

Spurning dagsins:

2008-01-07T18:55:00.000Z

Hvort á ég að gerast heimsmeistari í borðtennis, skautadansi eða krulli?

Svar óskast.

Veinólína.

Álfabrenna!

2008-01-05T22:48:00.000Z

Á morgun verður Vigdís litla álfadrottning á þrettándagleði Sólheima. Þetta verður víst rosalega flott, allir íbúar klæða sig í búninga og láta mála sig og svo þramma allir með kindla upp á veg, þar verður pallbíll með harmónikkuleikara, álfakóngi- og drottningu ásamt kór og að sjálfsögðu fullt af flugeldum. Gaman að sjá hvað allir eru spenntir og hvað þetta er vel undirbúið eins og yfirleitt allt hérna á Sólheimum, mikil virðing borin fyrir svona hefðum.

Annars er bara fínt að frétta svo sem, skammdegispúkinn er þó eitthvað að gera vart við sig. En þá held ég að það sé hvergi betra að vera en einmitt í rólegheitunum og fegurðinni hérna á Sólheimum, ég er svo heppin!

Hafið það gott elskurnar mínar og farið obboslega vel með ykkur í myrkrinu.

Ykkar Veinólína :o)

Nýja árið byrjar vel :o)

2008-01-03T10:47:00.000Z

Þá er maður mættur í vinnuna og við Erla Björk byrjaðar að pakka sápum og búa til olíur, rosa gaman hjá okkur! :o) Það var svo sem ekki mikið sofið í nótt... ég lagði mig svona um 5 leytið... en það er í lagi, alveg að koma helgi. Hafið það gott í dag elskurnar og endilega skrifið nokkrar línur ef þið kíkið í heimsókn, mig langar svo að heyra frá ykkur! :o)

kv. Veinólína

Gleðilegt nýtt ár!!!

2007-12-31T16:05:00.001Z

Hafið það gott í kvöld kæru vinir og borðið mikið svona á síðasta degi ársins!!!

Takk fyrir allt á árinu sem er að líða! :o)

Kær kveðja, Vigdís.

Lægð eftir lægð eftir lægð....

2007-12-30T16:08:00.000Z

Já nú er komið að því á ný, rok, rigning, rok og rigning.... nú er bara að horfa á Sex and the city, allar seríurnar og hafa það notalegt undir teppi, mmmmm.... Gott að vera í jólafríi og þurfa ekki að gera neitt! :o)

Fór í baðstofuna í Laugum í gærkvöldi og hlóð batteríin... sveif frá gufubaði til næsta gufubaðs, drakk fullt af sítrónuvatni og endaði í arinstofunni í slökun, dásamlegt! (reyndar var enginn eldur í arninum en huggulegt samt...) Ég elska þennan stað!

Jæja, Beðmál í borginni bíður...
Farið vel með ykkur og munið eftir að horfa á Pressuna í kvöld, held að vinur okkar hann Jón Gunnar Benjamínsson sé þar í aukahlutverki sem löggimann. :o)

Ykkar Veinólína

Síðbúin jólakveðja

2007-12-26T22:16:00.001Z

Gleðileg jól elsku vinir og hafið það sem allra best yfir hátíðarnar! :o)

Ég er búin að hafa það rosa gott hérna í bílskúrnum hjá Ólu og Sverri. Var hjá Huldu og Óla á aðfangadag og svo var náttfatadagur í Nökkvavogi á jóladag...... og nú er maður bara búinn að liggja á meltunni í allan dag... ekki eins og sumir landsmenn (eins og palli fréttakall sagði frá í kvöldfréttunum) sem fóru í sund, göngutúr, skíði, í líkamsrækt o.s.frv.... Jæja, það kemur dagur eftir þennan dag. :o)

Lovjúgæs!
Ykkar Veinólína

Komin í borgina :o)

2007-12-21T10:55:00.001Z

Fór út að borða með VoxFox í gærkvöldi og síðan á tónleika með Reykjavík 5 í Fríkirkjunni. Maturinn var unaðslegur á Lækjarbrekku og tónleikarnir enn betri! :o)

Á eftir (í hádeginu) erum við systurnar svo að fara að borða hjá Hrefnu Sætran á Fiskmarkaðnum og svo á rölt á Laugarveginum og Skólavörðustígnum.

Í kvöld er svo þemapartý hjá okkur í VoxFox!!

Er hægt að hugsa sér þessa síðustu daga fyrir jól betri en þetta??? Lífið er yndislegt!

Hafið það gott í dag eeeeeskurnar!!! :o) Ykkar Veinó Væló

Afmælisbörn dagsins!

2007-12-19T18:34:00.001Z

Þessir snillingar eru 10 ára í dag! Elsku Garðar Steinn og Arna Petra, innilega til hamingju með daginn!! Takk fyrir að vera til :o)

Ykkar Dísa frænka

Og jólin nálgast eins og óð fluga....

2007-12-18T19:12:00.000Z

Nú eru bara örfáir dagar til jóla og ég held svei mér þá að ég sé bara búin að redda jólakortunum og gjöfunum. :o) Ég verð að segja að það óvæntasta og skemmtilegasta sem ég hef rekist á lengi eru sjálflímandi frímerkin sem voru gefin út þessi jólin!!! Algjör snilld og mjög góð fyrir geðheilsuna... Takk fyrir það Íslandspóstur!